هل النفس تتكلم ؟ !!!

أوقات كثير بنحس بالملل من الروتين اليومي ،  حتي لو بتحب شغلك أو دراستك أو اى حاجة انت بتعملها ، اكيد فى وقت بتحس فيه بالملل ويقلل من طاقتك وانتاجك.

 

لذلك هقولك على سبع طرق تحفز بيهم نفسك لكي تكمل يومك بكل نشاط وحيوية :-

1- أقنع نفسك بأنك حابب تنجز المطلوب منك ،أسهل طريقة لتحفيز نفسك أنك تقنعها ان المطلوب منك خفيف جدا ، وسهل وهتقدر تخلصة بسهولة ، وكمان بدل ما تفكر فى انك كيف تنجز المطلوب لانه ثقيل على النفس ،  فكر فى الراحة اللى هتشعر بيها بعد ما تخلص المطلوب .

2- خلى كل شىء تحت سيطرتك ، أمسك بزمام الامور، وخليك متابع مستوي تركيزك ، وحاول توزعة صح على مدار اليوم قدر الامكان .

3- خليك وسط ناس منتجة ، لو تريد تحقيق نتيجة أفضل وأسرع خليك وسط ناس مقدرة وقتها وبتستغلة صح ، لأن عندما تشعر بالملل أو أن طاقتك قلت هيسعدوك بشكل مباشر وغير مباشر .

4- قسم المهام الكبيرة إلى مهام أصغر ، بدل ما تتحمل مهام كبيرة وتحاول انك لازم تخلصة ككل ، قسمه إلى أجزاء ومهام صغيرة ، وأبدا فيهم واحدة واحدة ، عقلك هيتقبل فكرة التقسيم وهينتج بشكلا أسرع .

5- حافظ على تركيزك ، قلل المؤثرات الخارجية التى تخرجك من تركيزك ، وحدد وقت معين تنهي المطلوب والهدف بعيداً عن اي مؤثرات ، هيساعدك تحافظ على تركيزك بشكل أفضل وتنتج أسرع .

6- تذكر الدافع من أنجاز هدفك ، لازم يكون عندك أجابة لما أخلص شغلى فى الوقت المطلوب هستفاد أيه ؟ ممكن الاستفادة تكون مادية أو معنوية ، ولكن خلى دائما قدامك سبب كافي يخليك تنجز شغلك .

7- خليك أيجابي ، ممكن تفشل فى بعض الاوقات وممكن تقصر فى المطلوب منك ، ده مقبول تماما  لكن الغير مقبول أنك تعاقب نفسك أو تتجاهل تعبك خلال الفترة الفشل وتنسي انك تعمل مراجعة سريعة للمواقف ونقاط القوه والتقصير .

وتذكر دائما ان الناجح يحاول دائما حتى لو فشل